Ma Africa amahle!
Ma Afric' amahle,
Ngiyayibeka ezitheni,
Ngiyayibeka ukuba siyibhunge,
Kepha ngiyibhunga ngedwa,
Ngokuba iyinkondlo ebhalwe yimina.
Ngicela ukuba unezwi,
Izwi elakhayo izwe lethu,
Ungangithinta kulenombolo,
0790349478 ngumakhalekhukhwini,
0860556572 isikhahlamezi,
ditcomsandiledit.comdit@yahoo.com i-mail,
24/7 ubusuku nemini yabo.
Ngifisa i Afrika ebumbene.
Ngifisa siphelele ma Afrik' amahle,
Kepha ngifisa sibebahle nangokwezifiso zethu.
Ngifisa uwonkewonke ubhunge nami,
Ngingebani kepha nginombono.
Ngines'ifis'esihle ngani.
Afrika bas'hlukanisile ng'yavuma,
Kepha kasingaz'khohlisi sithi bayokus'hlanganisa,
Ngokuba siyabazi,
Bangabathokoza ngezililo zamaqhawe ezabalaza,
Bangabathokoza ngemuva kokuhlukana kwamabutho eqhawe elinenkani,
Bangabathokoza ngemuva kokugoba kophondo,
Uphondo lwenkunzi amanxebanxeba,
Imanxebanxeba nje bebeyigwaza bethi kay'lale,
Kuze beyakuzikholisa kwesayo isibaya,
Okuyisibaya esiqukethe izithole nezitholekazi,
Afrika vuka sebehambile,
Vuka kunzi sikuthobe amanxeba,
Kuze uyakuphulukiswa uhlanganise abakushiyile esibayeni,
Ukuhlanganise ukhiphe esisha isibaya,
Kuyakube kungasemuntu oyakumelana nawe,
Ngokuba amandla asengawakho,
Usunqobile ngokupheleleyo,
Usuyinqobile impi elwa buthule kungahlonyiwe futhi nangezikhali zegazi.
Yebo, izwi usunalo behlangene bebonke.
Usungohlonishwayo kepha kawuzihloniphi,
Usungotuswayo kepha kawuzitusi,
Usungobongwayo kepha kawuzibongi.
Kungabe sekuyisikhathi sokubuyiselwa kwesimilo sakho?
Afrika kushonephi ukuba nguwe?
Ngokuba kawusewena kepha igama lisele,
Igama lakho seliphiwe abezizwe,
Ngokuba nabo bebengelivume libahlambalaza,
Ngokuba babe namabhodwe kepha amathanga bekungawethu,
[...] Read more
poem by Saviour Mabaso
Added by Poetry Lover
Comment! | Vote! | Copy!
