Aao baaten karen! (Urdu)
Aao rang e shafaq!
Shokh rang e shafaq!
Mil k baaten karen,
Uss ki baaten karen...
Ik naey rang say waqt ko rok len,
Ik naey taur say her guzartay huey pal ko awaz den,
Or dhalti hui raat ki nabz ko thaam len
iss tarha
k kisi ko khabar bhi na ho,
Iss tarha
K koi shor bhi naa macchay...
Or shamma bhi baaton me shamil rahay,
Mah o anjum bhi jhuk jhuk k suntay rahen,
sir ko dhuntay rahen,
khwab buntay rahen,
kyun naa rang e shafaq!
Shokh rang e shafaq!
Ek fursat say aankhon me raaten karen,
Mil k baaten karen,
Uss ki baaten karen...
poem by Shahzia Batool
Added by Poetry Lover
Comment! | Vote! | Copy!
