Sawan Aaya [A poem in hindi]
Baadal aaye aur hain barse
Loag kahte hain sawan aaya.
Dharti thi tapti
Aag thi barasti
Jalta tha har ek badan bhi
Iss sawan ki phuhaar ne
Kitni rahat di in sab ko
Haan priyey yeh sawan aaya.
Iss pal priyey Tum jo hotien
Hotien jo tum
Hota aalingan
Bheegta tann mann
Lagti ik agan
Tum jal apsra si lagtien
Aur main tumhein bahoon mein layta,
Priyey kitna anand tab hota
Sawan mein tera sangg jab hota.
Par priyey tum kya jaano
Iss sawan mein
Dooor desh mein
Thaka haara main ik rahi
Tere milan ki aas mein
Saans hoon layta
Aankhien hain tarasti
Aankhien hain barasti
Haan priyey yeh sawan aaya. [1973]
poem by Om Chawla
Added by Poetry Lover
Comment! | Vote! | Copy!
