Sa May Dagat
Mga halakhak
kaunting bangayan
maya't-maya'y luha
muli'y, mga halakhak...
Sa may dagat
naruon ang mga alaala ng pamilyang
patuloy na nagbabago
mga bata'y lumalaki
ama't-inang puti ng buhok
ay dumarami.
Ang dagat
sa tuwina'y saksi
ng pagmamahalan at pag-aalitan
ng pamilyang malapit
minsa'y malayo
at sa kanilang mga puso
ay kanya-kanyang tuwa
at kanya-kanyang pighati.
Sa may dagat
hangin doon ay kaysarap langhapin.
Sa may dagat...
aah, kung takbo ng buhay
ay hawak ko lang.
poem by Marites C. Cayetano
Added by Poetry Lover
Comment! | Vote! | Copy!
