Ang Kalangitan Sa Araw Ng Huwebes Santo
Huwebes Santo
sa kalangitan
na kung saan naruon ang Ama
hindi kaya, mga anghel man
ay balisa
katulad ng Anak
sa hardin ng Gethsemane
bago pa man dumating
ang anghel
na nagbigay ng lakas
sa Anak.
Huwebes Santo
sa kalangitan
hindi kaya, maging ang Ama
ay balisa
at nagnais din na baguhin
ang sarili niyang takda...
kamatayan ng Anak...
Sa buhay
na kaloob ng Anak
sino...
ang naging karapat-dapat?
poem by Marites C. Cayetano
Added by Poetry Lover
Comment! | Vote! | Copy!