The Sea
That smoth’rin’ grindin’ brew that lashes stane,
That kisses stane, that hurls and smashes stane
Beguiles us whiles beside the slidin’ tide
Whar millions sook her bounty
As if entitled tae the ride
That sweetly swishin’ wine that cayries life
That tends tae still, that neutralises, strife
Begets oor cow’rin’ awe by tow’rin’ swell
Wud kill us wi’ her beauty
Wud snuff us wi’ hurtlin’ hell
That witchin’, trancin’ sang that tempts us in
That builds vast ships and cleanses suff’rin’ sin
It drags us snagged intae fell funn’lin’ rips
That race bitchin’ through her bulk
Burstin’ whiles on placid lips
That mindless warrin’ and sparrin’ wi’ earth
Her mirrorin’ the sun and massive berth
Her thrash o’ attitudes an’ shades o’ thra’n
Tae the tunes o’ vicious wun
A’ churn in the heart o’ man.
poem by Jim Hogg
Added by Poetry Lover
Comment! | Vote! | Copy!
