Nine Inch Will Please a Lady
Come rede me, dame, come tell me, dame,
My dame, come tell me truly,
What length o' graith, when weel ca'd hame,
Will ser'e a woman duly?
The carlin clew her wanton tail,
Her wanton tail sae ready;
I learn't a sang in Annandale,
Nine inch will please a lady.
But for a countrie cunt like mine,
In sooth we're nae sae gentle;
We'll tak' twa thumb-bread to the nine,
And that's a sonsie pintle.
O leeze me on my Charlie lad!
I'll ne'er forget my Charlie!
Twa roarin' handfu' and a daud,
He nidg't it in fu' rarely.
But weary fa' the laithern doup,
And may it ne'er ken thrivin';
It's no the length that gars me loup,
But it's the double drivin'.
Come nidge me Tarn, come nodge me Tam,
Come nidge me o'er the nyvle;
Come louse and lug your batterin' ram,
And thrash him at my gyvel.
poem by Robert Burns
Added by Veronica Serbanoiu
Comment! | Vote! | Copy!
