Ek chhota sa kaam kr dena! ! ! (Urdu)
Janay walay musafiro mera!
ek chhota sa kaam kr dena
dur basti me rehne walon ko
jaa k mera salam keh dena
or kehna k yeh jo rishte hen
dil k mazboot bandhanon me aseer
gardishen maah o saal ki in ko
ab kbhi bhi na tor paen gi
chahay jitni bhi durian aen
chahaton ko ghata na paen gi
ay musafir tu meri janib se
uss nagar k tamaam logon ko
mere dil ka payam de dena
dur basti me rehne walon ko
jaa k mera salam keh dena...
poem by Shahzia Batool
Added by Poetry Lover
Comment! | Vote! | Copy!
No comments until now.