Bagh-e-dil! ! !
Bagh e dil pur bahaar rakhtay hen
khud pe hum aitbaar rakhtay hen
wusaten aasman ki chhoo na saken
hum wo oonchha waqar rakhtay hen
wo hen kum zarf jo khizan me bhi
aarzuey bahaar rakhtay hen
kitnay nayaab hen jo dunia me
khwahishon pr mohaar rakhtay hen
be-panaah zarf he gulaabon ka
apnay daaman me khaar rakhtay hen
kitnay nadaan hen wo bashar jo sada
dil sar-e-rahguzaar rakhtay hen....
poem by Shahzia Batool
Added by Poetry Lover
Comment! | Vote! | Copy!
No comments until now.