Latest quotes | Random quotes | Vote! | Latest comments | Submit quote

The Daft Days

The midnight hour is clinking, lads,
An' the douce an' the decent are winking, lads;
Sae I tell ye again,
Be't weel or ill ta'en,
It's time ye were quatting your drinking, lads.
Gae ben, 'an mind your gauntry, Kate,

Gi'es mair o' your beer, an' less bantry, Kate,
For we vow, whaur we sit,
That afore we shall flit,
We'se be better acquaint wi' your pantry, Kate.
The "daft days" are but beginning, Kate,

An we're sworn. Would you hae us a sinning, Kate?
By our faith an' our houp,
We will stick by the stoup
As lang as the barrel keeps rinning, Kate.

Thro' hay, an' thro' hairst, sair we toil it, Kate,
Thro' Simmer, an' Winter, we moil it, Kate;
Sae ye ken, whan the wheel
Is beginning to squeal,
It's time for to grease an' to oil it, Kate.

Sae draw us anither drappy, Kate,
An' gie us a cake to our cappy, Kate;
For, by spiggot an' pin!
It's waur than a sin
To flit when we're sitting sae happy, Kate.

poem by Report problemRelated quotes
Added by Poetry Lover
Comment! | Vote! | Copy!

Share
 
 

No comments until now.


Comment

Name (required)

E-mail address (hidden)

Search


Recent searches | Top searches