Latest quotes | Random quotes | Vote! | Latest comments | Submit quote

Auld Robin Gray

When the sheep are in the fauld, and the kye at hame,
And a' the warld tae rest are gane,
The waes o' my heart fa' in showers frae my e'e,
While my gudeman lies sound by me.

Young Jamie lo'ed me weel, and sought me for his bride;
But saving a croun he had naething else beside:
Tae make the croun a pund, young Jamie gaed tae sea;
And the croun and the pund were baith for me.

He hadna been awa' a week but only twa,
When my father brak his arm, and the cow was stown awa;
My mother she fell sick,—and my Jamie at the sea—
And auld Robin Gray came a-courtin' me.

My father couldna work, and my mother couldna spin;
I toil't day and night, but their bread I couldna win;
Auld Rob maintain'd them baith, and wi' tears in his e'e
Said, 'Jennie, for their sakes, O, marry me!'

My heart it said nay; I look'd for Jamie back;
But the wind it blew high, and the ship it was a wrack;
His ship it was a wrack—Why didna Jamie dee?
Or why do I live tae cry, Wae 's me?

My father urged me sair: my mother didna speak;
But she look'd in my face till my heart was like tae break:
They gi'ed him my hand, tho' my heart was in the sea;
Sae auld Robin Gray he was gudeman tae me.

I hadna been a wife a week but only four,
When mournfu' as I sat on the stane at the door,
I saw my Jamie's wraith,—for I couldna think it he,
Till he said, 'I'm come hame tae marry thee.'

O sair, sair did we greet, and muckle did we say;
We took but ae kiss, and we tore ourselves away:
I wish that I were dead, but I'm no like tae dee;
And why was I born tae say, Wae 's me!

I gang like a ghaist, and I carena tae spin;
I daurna think on Jamie, for that wad be a sin;
But I'll do my best a gude wife aye tae be,
For auld Robin Gray he is kind untae me.

poem by Report problemRelated quotes
Added by Veronica Serbanoiu
Comment! | Vote! | Copy!

Share

Related quotes

Jamie Telfer

It fell about the Martinmas tyde,
When our Border steeds get corn and hay
The captain of Bewcastle hath bound him to ryde,
And he's ower to Tividale to drive a prey.

The first ae guide that they met wi',
It was high up Hardhaughswire;
The second guide that we met wi',
It was laigh down in Borthwick water.

'What tidings, what tidings, my trusty guide?'
'Nae tidings, nae tidings, I hae to thee;
But, gin ye'll gae to the fair Dodhead,
Mony a cow's cauf I'll let thee see.'

And whan they cam to the fair Dodhead,
Right hastily they clam the peel;
They loosed the kye out, ane and a',
And ranshackled the house right weel.

Now Jamie Telfer's heart was sair,
The tear aye rowing in his e'e;
He pled wi' the captain to hae his gear,
Or else revenged he wad be.

The captain turned him round and leugh;
Said--'Man, there's naething in thy house,
But ae auld sword without a sheath,
That hardly now wad fell a mouse!'

The sun was na up, but the moon was down,
It was the gryming o' a new fa'n snaw,
Jamie Telfer has run three myles a-foot,
Between the Dodhead and the Stobs's Ha'

And whan he cam to the fair tower yate,
He shouted loud, and cried weel hie,
Till out bespak auld Gibby Elliot--
'Wha's this that brings the fraye to me?'

'It's I, Jamie Telfer o' the fair Dodhead,
And a harried man I think I be!
There's naething left at the fair Dodhead,
But a waefu' wife and bairnies three.

'Gae seek your succour at Branksome Ha'.
For succour ye'se get nane frae me!
Gae seek your succour where ye paid black-mail,
For, man! ye ne'er paid money to me.'

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

15 Selected Love Poems in Scots

1.Ballad

Oh cauld's the doonrush o a burn
In winter's iron thraa,
Bit caulder still's a merriage bed
Fin luv has stolen awa.

Far niver gowden sun luiks doon,
Sae derk's the gairden booer¬
Bit derker yet's the hairt o man
Far skaith an sorra cooer.

Oh deep's a dreich an dowie loch
Far salmon niver sweems,
Bit deeper still's the cruel mire
That smores a bairn's dreams.

Oh I wad don the goun sae green,
Wi lilies hap ma head
An like Tam Lin the elfin knicht,
Step ower the burn o bluid
That rins between this eirdly warld
An kingdom o the fay,
Far niver mortal feet may gyang,
Nor mortal thochts bring wae.

2.Eve

Bird o Paradise,
Spirk o Original sin,
An efterthocht.
A rib o the yird
Rowed up in a cutty claith;
A wanton, a limmer,
The hurly-gush o the river's
Nae fur ye.

Strae-dallie, a peach, a leech,
Ye're the stank o a gairden puil!
Quine, ye're a chaip bawbee,
A vessel, a vassal haudin the
Wine o yer Lord's creation.
Spunk that kinnelt temptation,
Ye war framed fur the fire,
Fur the Fa,

Frae the verra first.
Ye an the serpent
Scapegoats.
Baith accurst.

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

The Twa Jocks

Says Bauldy MacGreegor frae Gleska tae Hecky MacCrimmon frae Skye:
"That's whit I hate maist aboot fechtin' -- it makes ye sae deevilish dry;
Noo jist hae a keek at yon ferm-hoose them Gairmans are poundin' sae fine,
Weel, think o' it, doon in the dunnie there's bottles and bottles o' wine.
A' hell's fairly belchin' oot yonner, but oh, lad, I'm ettlin' tae try. . . ."
"If it's poose she'll be with ye whateffer," says Hecky MacCrimmon frae Skye.~

Says Bauldy MacGreegor frae Gleska: "Whit price fur a funeral wreath?
We're dodgin' a' kinds o' destruction, an' jist by the skin o' oor teeth.
Here, spread yersel oot on yer belly, and slither along in the glaur;
Confoond ye, ye big Hielan' deevil! Ye don't realize there's a war.
Ye think that ye're back in Dunvegan, and herdin' the wee bits o' kye."
"She'll neffer trink wine in Dunfegan," says Hecky MacCrimmon frae Skye.~

Says Bauldy MacGreegor frae Gleska: "Thank goodness! the ferm-hoose at last;
There's no muckle left but the cellar, an' even that's vanishin' fast.
Look oot, there's the corpse o' a wumman, sair mangelt and deid by her lane.
Quick! Strike a match. . . . Whit did I tell ye! A hale bonny box o' shampane;
Jist knock the heid aff o' a bottle. . . . Haud on, mon, I'm hearing a cry. . . ."
"She'll think it's a wean that wass greetin'," says Hecky MacCrimmon frae Skye.~

Says Bauldy MacGreegor frae Gleska: quot;Ma conscience! I'm hanged but yer richt.
It's yin o' thae waifs of the war-field, a' sobbin' and shakin' wi' fricht.
Wheesht noo, dear, we're no gaun tae hurt ye. We're takin' ye hame, my wee doo!
We've got tae get back wi' her, Hecky. Whit mercy we didna get fou!
We'll no touch a drap o' that likker -- that's hard, man, ye canna deny. . . ."
"It's the last thing she'll think o' denyin'," says Hecky MacCrimmon frae Skye.

Says Bauldy MacGreegor frae Gleska: "If I should get struck frae the rear,
Ye'll tak' and ye'll shield the wee lassie, and rin for the lines like a deer.
God! Wis that the breenge o' a bullet? I'm thinkin' it's cracket ma spine.
I'm doon on ma knees in the glabber; I'm fearin', auld man, I've got mine.
Here, quick! Pit yer erms roon the lassie. Noo, rin, lad! good luck and good-by. . . .
"Hoots, mon! it's ye baith she'll be takin'," says Hecky MacCrimmon frae Skye.~

Says Corporal Muckle frae Rannoch: "Is that no' a picture tae frame?
Twa sair woundit Jocks wi' a lassie jist like ma wee Jeannie at hame.
We're prood o' ye baith, ma brave heroes. We'll gie ye a medal, I think."
Says Bauldy MacGreegor frae Gleska: "I'd raither ye gied me a drink.
I'll no speak for Private MacCrimmon, but oh, mon, I'm perishin' dry. . . ."
"She'll wush that Loch Lefen wass whuskey," says Hecky MacCrimmon frae Skye.~

poem by Report problemRelated quotes
Added by Poetry Lover
Comment! | Vote! | Copy!

Share

Kilmeny

Bonnie Kilmeny gaed up the glen;
But it wasna to meet Duneira's men,
Nor the rosy monk of the isle to see,
For Kilmeny was pure as pure could be.
It was only to hear the yorlin sing,
And pu' the cress-flower round the spring;
The scarlet hypp and the hindberrye,
And the nut that hung frae the hazel tree;
For Kilmeny was pure as pure could be.
But lang may her minny look o'er the wa',
But lang may she seek i' the green-wood shaw;
Lang the laird o' Duneira blame,
And lang, lang greet or Kilmeny come hame!

When many a day had come and fled,
When grief grew calm, and hope was dead,
When mess for Kilmeny's soul had been sung,
When the bedesman had pray'd and the dead bell rung,
Late, late in gloamin' when all was still,
When the fringe was red on the westlin hill,
The wood was sere, the moon i' the wane,
The reek o' the cot hung over the plain,
Like a little wee cloud in the world its lane;
When the ingle low'd wi' an eiry leme,
Late, late in the gloamin' Kilmeny came hame!

'Kilmeny, Kilmeny, where have you been?
Lang hae we sought baith holt and den;
By linn, by ford, and green-wood tree,
Yet you are halesome and fair to see.
Where gat you that joup o' the lily scheen?
That bonnie snood of the birk sae green?
And these roses, the fairest that ever were seen?
Kilmeny, Kilmeny, where have you been?'

Kilmeny look'd up with a lovely grace,
But nae smile was seen on Kilmeny's face;
As still was her look, and as still was her e'e,
As the stillness that lay on the emerant lea,
Or the mist that sleeps on a waveless sea.
For Kilmeny had been, she knew not where,
And Kilmeny had seen what she could not declare;
Kilmeny had been where the cock never crew,
Where the rain never fell, and the wind never blew.
But it seem'd as the harp of the sky had rung,
And the airs of heaven play'd round her tongue,
When she spake of the lovely forms she had seen,
And a land where sin had never been;
A land of love and a land of light,
Withouten sun, or moon, or night;

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

Fair Annie

THE reivers they stole Fair Annie,
   As she walk'd by the sea;
But a noble knight was her ransom soon,
   Wi' gowd and white monie.

She bided in strangers' land wi' him,
   And none knew whence she cam;
She lived in the castle wi' her love,
   But never told her name.

'It 's narrow, narrow, mak your bed,
   And learn to lie your lane;
For I'm gaun owre the sea, Fair Annie,
   A braw Bride to bring hame.
Wi' her I will get gowd and gear,
   Wi' you I ne'er gat nane.

'But wha will bake my bridal bread,
   Or brew my bridal ale?
And wha will welcome my bright Bride,
   That I bring owre the dale?'

It 's I will bake your bridal bread,
   And brew your bridal ale;
And I will welcome your bright Bride,
   That you bring owre the dale.'

'But she that welcomes my bright Bride
   Maun gang like maiden fair;
She maun lace on her robe sae jimp,
   And comely braid her hair.

'Bind up, bind up your yellow hair,
   And tie it on your neck;
And see you look as maiden-like
   As the day that first we met.'

'O how can I gang maiden-like,
   When maiden I am nane?
Have I not borne six sons to thee,
   And am wi' child again?'

'I'll put cooks into my kitchen,
   And stewards in my hall,
And I'll have bakers for my bread,
   And brewers for my ale;
But you're to welcome my bright Bride,
   That I bring owre the dale.'

Three months and a day were gane and past,

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

There's Nae Luck about the House

And are ye sure the news is true?
And are ye sure he's weel?
Is this a time to think o' wark?
Mak haste, lay by your wheel;
Is this the time to spin a thread
When Colin's at the door?
Reach me my cloak, I'll to the quay
And see him come ashore.
For there's nae luck about the house,
There's nae luck at a',
There's little pleasure in the house
When our gudeman's awa.

And gie to me my bigonet,
My bishop's satin gown;
For I maun tell the bailie's wife
That Colin's come to town.
My Turkey slippers maun gae on,
My stockings pearly blue;
It's a' to pleasure my gudeman,
For he's baith leel and true.
For there's nae luck about the house,
There's nae luck at a',
There's little pleasure in the house
When our gudeman's awa.

Rise, lass, and mak a clean fire side,
Put on the muckle pot,
Gie little Kate her button gown,
And Jock his Sunday coat;
And mak their shoon as black as slaes,
Their hose as white as snaw,
It's a' to please my ain gudeman,
For he's been lang awa.
For there's nae luck about the house,
There's nae luck at a',
There's little pleasure in the house
When our gudeman's awa.

There's twa fat hens upo' the bauk,
Been fed this month and mair,
Mak haste and thraw their necks about,
That Colin weel may fare;
And mak the table neat and clean,
Gar ilka thing look braw,
For wha can tell how Colin fared
When he was far awa?
Ah, there's nae luck about the house,
There's nae luck at a',
There's little pleasure in the house

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

The Undying One- Canto III

'THERE is a sound the autumn wind doth make
Howling and moaning, listlessly and low:
Methinks that to a heart that ought to break
All the earth's voices seem to murmur so.
The visions that crost
Our path in light--
The things that we lost
In the dim dark night--
The faces for which we vainly yearn--
The voices whose tones will not return--
That low sad wailing breeze doth bring
Borne on its swift and rushing wing.
Have ye sat alone when that wind was loud,
And the moon shone dim from the wintry cloud?
When the fire was quench'd on your lonely hearth,
And the voices were still which spoke of mirth?

If such an evening, tho' but one,
It hath been yours to spend alone--
Never,--though years may roll along
Cheer'd by the merry dance and song;
Though you mark'd not that bleak wind's sound before,
When louder perchance it used to roar--
Never shall sound of that wintry gale
Be aught to you but a voice of wail!
So o'er the careless heart and eye
The storms of the world go sweeping by;
But oh! when once we have learn'd to weep,
Well doth sorrow his stern watch keep.
Let one of our airy joys decay--
Let one of our blossoms fade away--
And all the griefs that others share
Seem ours, as well as theirs, to bear:
And the sound of wail, like that rushing wind
Shall bring all our own deep woe to mind!

'I went through the world, but I paused not now
At the gladsome heart and the joyous brow:
I went through the world, and I stay'd to mark
Where the heart was sore, and the spirit dark:
And the grief of others, though sad to see,
Was fraught with a demon's joy to me!

'I saw the inconstant lover come to take
Farewell of her he loved in better days,
And, coldly careless, watch the heart-strings break--
Which beat so fondly at his words of praise.
She was a faded, painted, guilt-bow'd thing,
Seeking to mock the hues of early spring,
When misery and years had done their worst

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

Jock O The Side

Now Liddisdale has ridden a raid,
But I wat they had better staid at hame;
For Mitchell o Winfield he is dead,
And my son Johnie is prisner tane?
With my fa ding diddle, la la dew diddle.

For Mangerton house auld Downie is gane,
Her coats she has kilted up to her knee;
And down the water wi speed she rins,
While tears in spaits fa fast frae her eie.

Then up and bespake the lord Mangerton:
'What news, what news, sister Downie, to me?'
'Bad news, bad news, my lord Mangerton;
Mitchel is killd, and tane they hae my son Johnie.'

'Neer fear, sister Downie,' quo Mangerton;
'I hae yokes of oxen, four-and-twentie,
My barns, my byres, and my faulds, a' weel filld,
And I'll part wi them a' ere Johnie shall die.

'Three men I'll take to set him free,
Weel harnessd a' wi best of steel;
The English rogues may hear, and drie
The weight o their braid swords to feel

'The Laird's Jock ane, the Laird's Wat twa,
O Hobie Noble, thou ane maun be!
Thy coat is blue, thou has been true,
Since England banishd thee, to me.'

Now, Hobie was an English man,
In Bewcastle-dale was bred and born;
But his misdeeds they were sae great,
They banished him neer to return.

Lord Mangerton then orders gave,--
'Your horses the wrang way maun a' be shod;
Like gentlemen ye must not seem,
But look like corn-caugers gawn ae road.

'Your armour gude ye maunna shaw,
Nor ance appear like men o weir;
As country lads be all arrayd,
Wi branks and brecham on ilk mare.'

Sae now a' their horses are shod the wrang way,
And Hobie has mounted his grey sae fine,
Jock his lively bay, Wat's on his white horse behind,
And on they rode for the water o Tyne.

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

Lord Thomas And Fair Annet

Lord Thomas and Fair Annet
Sate a' day on a hill;
Whan night was cum, and sun was sett,
They had not talkt their fill.

Lord Thomas said a word in jest,
Fair Annet took it ill:
'A, I will nevir wed a wife
Against my ain friend's will.'

'Gif ye wull nevir wed a wife,
A wife wull neir wed yee;'
Sae he is hame to tell his mither,
And knelt upon his knee.

'O rede, O rede, mither,' he says,
'A gude rede gie to mee;
O sall I tak the nut-browne bride,
And let Faire Annet bee?'

'The nut-browne bride haes gowd and gear,
Fair Annet she has gat nane;
And the little beauty Fair Annet haes
O it wull soon be gane.'

And he has till his brother gane:
'Now, brother, rede ye mee;
A, sall I marrie the nut-browne bride,
And let Fair Annet bee?'

'The nut-browne bride has oxen, brother,
The nut-browne bride has kye;
I wad hae ye marrie the nut-browne bride,
And cast Fair Annet bye.'

'Her oxen may dye i' the house, billie,
And her kye into the byre;
And I sall hae nothing to mysell
Bot a fat fadge by the fyre.'

And he has till his sister gane:
'Now, sister, rede ye mee;
O sall I marrie the nut-browne bride,
And set Fair Annet free?'

'I'se rede ye tak Fair Annet, Thomas,
And let the browne bride alane;
Lest ye sould sigh, and say, Alace,
What is this we brought hame!'

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share
Robert Burns

Holy Fair, The

1 Upon a simmer Sunday morn,
2 When Nature's face is fair,
3 I walked forth to view the corn
4 An' snuff the caller air.
5 The risin' sun owre Galston muirs
6 Wi' glorious light was glintin,
7 The hares were hirplin down the furrs,
8 The lav'rocks they were chantin
9 Fu' sweet that day.

10 As lightsomely I glowr'd abroad
11 To see a scene sae gay,
12 Three hizzies, early at the road,
13 Cam skelpin up the way.
14 Twa had manteeles o' dolefu' black,
15 But ane wi' lyart linin;
16 The third, that gaed a wee a-back,
17 Was in the fashion shining
18 Fu' gay that day.

19 The twa appear'd like sisters twin
20 In feature, form, an' claes;
21 Their visage wither'd, lang an' thin,
22 An' sour as ony slaes.
23 The third cam up, hap-step-an'-lowp,
24 As light as ony lambie,
25 An' wi' a curchie low did stoop,
26 As soon as e'er she saw me,
27 Fu' kind that day.

28 Wi' bonnet aff, quoth I, "Sweet lass,
29 I think ye seem to ken me;
30 I'm sure I've seen that bonie face,
31 But yet I canna name ye."
32 Quo' she, an' laughin as she spak,
33 An' taks me by the han's,
34 "Ye, for my sake, hae gien the feck
35 Of a' the ten comman's
36 A screed some day.

37 "My name is Fun--your cronie dear,
38 The nearest friend ye hae;
39 An' this is Superstition here,
40 An' that's Hypocrisy.
41 I'm gaun to Mauchline Holy Fair,
42 To spend an hour in daffin:
43 Gin ye'll go there, you runkl'd pair,
44 We will get famous laughin
45 At them this day."

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share
Robert Burns

The Holy Fair

Upon a simmer Sunday morn,
When Nature's face is fair,
I walked forth to view the corn
An' snuff the caller air.
The risin' sun owre Galston muirs
Wi' glorious light was glintin,

The hares were hirplin down the furrs,
The lav'rocks they were chantin
Fu' sweet that day.
As lightsomely I glowr'd abroad
To see a scene sae gay,
Three hizzies, early at the road,
Cam skelpin up the way.
Twa had manteeles o' dolefu' black,
But ane wi' lyart linin;
The third, that gaed a wee a-back,
Was in the fashion shining
Fu' gay that day.
The twa appear'd like sisters twin
In feature, form, an' claes;
Their visage wither'd, lang an' thin,
An' sour as ony slaes.
The tird cam up, hap-step-an'
-lowp,
As light as ony lambie,
An' wi' a curchie low did stoop,
As soon as e'er she saw me,
Fu' kind that day.
Wi' bonnet aff, quoth I, 'Sweet lass,
I think ye seem to ken me;
I'm sure I've seen that bonie face,
But yet I canna name ye.'
Quo' she, an' laughin as she spak,
An' taks me by the han's,
'Ye, for my sake, hae gien the feck
Of a' the ten comman's
A screed some day.
'My name is Fun-your cronie dear,
The nearest friend ye hae;
An' this is Superstitionhere,
An' that's Hypocrisy.
I'm gaun to Mauchline Holy Fair,
To spend an hour in daffin:
Gin ye'll go there, you runkl'd pair,
We will get famous laughin
At them this day.'
Quoth I, 'With a' my heart, I'll do't:
I'll get my Sunday's sark on,
An' meet you on the holy spot;

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

The Dowie Houms of Yarrow

LATE at een, drinkin' the wine,
   And ere they paid the lawin',
They set a combat them between,
   To fight it in the dawin'.

'O stay at hame, my noble lord!
   O stay at hame, my marrow!
My cruel brother will you betray,
   On the dowie houms o' Yarrow.'

'O fare ye weel, my lady gay!
   O fare ye weel, my Sarah!
For I maun gae, tho' I ne'er return
   Frae the dowie banks o' Yarrow.'

She kiss'd his cheek, she kamed his hair,
   As she had done before, O;
She belted on his noble brand,
   An' he 's awa to Yarrow.

O he 's gane up yon high, high hill--
   I wat he gaed wi' sorrow--
An' in a den spied nine arm'd men,
   I' the dowie houms o' Yarrow.

'O are ye come to drink the wine,
   As ye hae doon before, O?
Or are ye come to wield the brand,
   On the dowie banks o' Yarrow?'

'I am no come to drink the wine,
   As I hae don before, O,
But I am come to wield the brand,
   On the dowie houms o' Yarrow.'

Four he hurt, an' five he slew,
   On the dowie houms o' Yarrow,
Till that stubborn knight came him behind,
   An' ran his body thorrow.

'Gae hame, gae hame, good brother John,
   An' tell your sister Sarah
To come an' lift her noble lord,
   Who 's sleepin' sound on Yarrow.'

'Yestreen I dream'd a dolefu' dream;
   I ken'd there wad be sorrow;
I dream'd I pu'd the heather green,
   On the dowie banks o' Yarrow.'

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share
Robert Burns

Death and Doctor Hornbook

SOME books are lies frae end to end,
And some great lies were never penn’d:
Ev’n Ministers they hae been kenn’d,
In holy rapture,
A rousing whid, at times, to vend,
And nail’t wi’ Scripture.

But this that I am gaun to tell,
Which lately on a night befel,
Is just as true ’s the Deil’s in hell,
Or Dublin city:
That e’er he nearer comes oursel
S a muckle pity.

The Clachan yill had made me canty,
I was na fou, but just had plenty;
I stacher’d whyles, but yet took tent ay
To free the ditches;
An’ hillocks, stanes, an’ bushes kenn’d ay
Frae ghaists an’ witches.

The rising Moon began to glowr
The distant Cumnock hills out-owre;
To count her horns, wiamy pow’r,
I set mysel,
But whether she had three or four,
I cou’d na tell.

I was come round about the hill,
And todlin down on Willie’s mill,
Setting my staff wiamy skill,
To keep me sicker;
Tho’ leeward whyles, against my will,
I took a bicker.

I there wi’ Something does forgather,
That pat me in an eerie swither;
An awfu’ scythe, out-owre ae shouther,
Clear-dangling, hang;
A three-taed leister on the ither
Lay, large an’ lang.

Its stature seem’d lang Scotch ells twa,
The queerest shape that e’er I saw,
For fient a wame it had ava,
And then its shanks,
They were as thin, as sharp an’ sma’
As cheeks o’ branks.

»Guid-een«, quo I; »Friend! hae ye been mawin,

[...] Read more

poem by Report problemRelated quotes
Added by Veronica Serbanoiu
Comment! | Vote! | Copy!

Share

The Whistle Of Sandy McGraw

You may talk o' your lutes and your dulcimers fine,
Your harps and your tabors and cymbals and a',
But here in the trenches jist gie me for mine
The wee penny whistle o' Sandy McGraw.
Oh, it's: "Sandy, ma lad, will you lilt us a tune?"
And Sandy is willin' and trillin' like mad;
Sae silvery sweet that we a' throng aroun',
And some o' it's gay, but the maist o' it's sad.
Jist the wee simple airs that sink intae your hert,
And grup ye wi' love and wi' longin' for hame;
And ye glour like an owl till you're feelin' the stert
O' a tear, and you blink wi' a feelin' o' shame.
For his song's o' the heather, and here in the dirt
You listen and dream o' a land that's sae braw,
And he mak's you forget a' the harm and the hurt,
For he pipes like a laverock, does Sandy McGraw.

* * * * *

At Eepers I mind me when rank upon rank
We rose from the trenches and swept like the gale,
Till the rapid-fire guns got us fell on the flank
And the murderin' bullets came swishin' like hail:
Till a' that were left o' us faltered and broke;
Till it seemed for a moment a panicky rout,
When shrill through the fume and the flash and the smoke
The wee valiant voice o' a whistle piped out.
`The Campbells are Comin'': Then into the fray
We bounded wi' bayonets reekin' and raw,
And oh we fair revelled in glory that day,
Jist thanks to the whistle o' Sandy McGraw.

* * * * *

At Loose, it wis after a sconnersome fecht,
On the field o' the slain I wis crawlin' aboot;
And the rockets were burnin' red holes in the nicht;
And the guns they were veciously thunderin' oot;
When sudden I heard a bit sound like a sigh,
And there in a crump-hole a kiltie I saw:
"Whit ails ye, ma lad? Are ye woundit?" says I.
"I've lost ma wee whustle," says Sandy McGraw.
"'Twas oot by yon bing where we pressed the attack,
It drapped frae ma pooch, and between noo and dawn
There isna much time so I'm jist crawlin' back. . . ."
"Ye're daft, man!" I telt him, but Sandy wis gone.
Weel, I waited a wee, then I crawled oot masel,
And the big stuff wis gorin' and roarin' around,
And I seemed tae be under the oxter o' hell,
And Creation wis crackin' tae bits by the sound.

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share
Robert Burns

The Hairst O' Rettie

I hae seen the hairst o' Rettie, lads,
And twa-three aff the throne.
I've heard o sax and seven weeks
The hairsters girn and groan.
But wi' a covie Willie Rae
A monthie an' a day
Sends a' the jolly hairsters
Singin' blithely doon the brae.

In a monthie an' a day, my lads,
The like was never seen;
It beats to sticks the fastest strips
O' Vickers' best machine.
The Speedwell she taks up the rear,
The Victory clears the way;
And twenty acres daily yields,
Laid doon tae Willie Rae.

He drives them roond and roond the field
At sic an awfu' rate:
Yet guides them gently oot and in
At mony's a kittle gate.
And wiles them gently ow'r the steens
And mony a hidden hole,
And he'll come by nae mishanter
If ye leave him wi' a pole.

O he sharps their teeth tae gar them bite;
He taps them on the jaws,
And if he sees them dowie-like,
He'll brawly ken the cause:
A boltie here, or a pinnie there,
Tae keep them aye in tune;
He'll quickly stop their wild career,
And bring the clishack doon.

O he whittles aff the corners,
And makes crookit bitties straucht,
He likes to see that man and beast
Are equal in a draucht,
An' a' the corners neat an' square
And nae a shafe agley;
And he'll coont wi' ony dominie
Frae the Deveron tae the Spey.

Noo he's nae made up wi' mony words
Or kent tae puff and lee,
But just as keen a little chap
As ony you will see.
And if you're in search o hairvest work

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

The Brus Book XVIII

Only Berwick remains in English hands; a burgess offers to betray it]

The lordis off the land war fayne
Quhen thai wist he wes cummyn agan
And till him went in full gret hy,
And he ressavit thaim hamlyly
5 And maid thaim fest and glaidsum cher,
And thai sa wonderly blyth wer
Off his come that na man mycht say,
Gret fest and fayr till him maid thai.
Quharever he raid all the countre
10 Gaderyt in daynte him to se,
Gret glaidschip than wes in the land.
All than wes wonnyn till his hand,
Fra the Red Swyre to Orknay
Wes nocht off Scotland fra his fay
15 Outakyn Berwik it allane.
That tym tharin wonnyt ane
That capitane wes of the toun,
All Scottismen in suspicioun
He had and tretyt thaim tycht ill.
20 He had ay to thaim hevy will
And held thaim fast at undre ay,
Quhill that it fell apon a day
That a burges Syme of Spalding
Thocht that it wes rycht angry thing
25 Suagate ay to rebutyt be.
Tharfor intill his hart thocht he
That he wald slely mak covyne
With the marchall, quhays cosyne
He had weddyt till him wiff,
30 And as he thocht he did belyff.
Lettrys till him he send in hy
With a traist man all prively,
And set him tym to cum a nycht
With leddrys and with gud men wicht
35 Till the kow yet all prively,
And bad him hald his trist trewly
And he suld mete thaim at the wall,
For his walk thar that nycht suld fall.

[The marischal shows the letter to the king,
who seeks to avoid jealousy between Douglas and Moray]

Quhen the marchell the lettre saw
40 He umbethocht him than a thraw,
For he wist be himselvyn he
Mycht nocht off mycht no power be
For till escheyff sa gret a thing,
And giff he tuk till his helping

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

The Haggis Of Private McPhee

"Hae ye heard whit ma auld mither's postit tae me?
It fair maks me hamesick," says Private McPhee.
"And whit did she send ye?" says Private McPhun,
As he cockit his rifle and bleezed at a Hun.
"A haggis! A Haggis!" says Private McPhee;
"The brawest big haggis I ever did see.
And think! it's the morn when fond memory turns
Tae haggis and whuskey--the Birthday o' Burns.
We maun find a dram; then we'll ca' in the rest
O' the lads, and we'll hae a Burns' Nicht wi' the best."

"Be ready at sundoon," snapped Sergeant McCole;
"I want you two men for the List'nin' Patrol."
Then Private McPhee looked at Private McPhun:
"I'm thinkin', ma lad, we're confoundedly done."
Then Private McPhun looked at Private McPhee:
"I'm thinkin' auld chap, it's a' aff wi' oor spree."
But up spoke their crony, wee Wullie McNair:
"Jist lea' yer braw haggis for me tae prepare;
And as for the dram, if I search the camp roun',
We maun hae a drappie tae jist haud it doon.
Sae rin, lads, and think, though the nicht it be black,
O' the haggis that's waitin' ye when ye get back."

My! but it wis waesome on Naebuddy's Land,
And the deid they were rottin' on every hand.
And the rockets like corpse candles hauntit the sky,
And the winds o' destruction went shudderin' by.
There wis skelpin' o' bullets and skirlin' o' shells,
And breengin' o' bombs and a thoosand death-knells;
But cooryin' doon in a Jack Johnson hole
Little fashed the twa men o' the List'nin' Patrol.
For sweeter than honey and bricht as a gem
Wis the thocht o' the haggis that waitit for them.

Yet alas! in oor moments o' sunniest cheer
Calamity's aften maist cruelly near.
And while the twa talked o' their puddin' divine
The Boches below them were howkin' a mine.
And while the twa cracked o' the feast they would hae,
The fuse it wis burnin' and burnin' away.
Then sudden a roar like the thunner o' doom,
A hell-leap o' flame . . . then the wheesht o' the tomb.

"Haw, Jock! Are ye hurtit?" says Private McPhun.
"Ay, Geordie, they've got me; I'm fearin' I'm done.
It's ma leg; I'm jist thinkin' it's aff at the knee;
Ye'd best gang and leave me," says Private McPhee.
"Oh leave ye I wunna," says Private McPhun;
"And leave ye I canna, for though I micht run,

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

The Broomfield Hill

There was a knight and lady bright
Set trysts amo the broom,
The one to come at morning eav,
The other at afternoon.

'I'll wager a wager wi' you,' he said,
'An hundred marks and ten,
That ye shall not go to Broomfield Hills,
Return a maiden again.'

'I'll wager a wager wi' you,' she said,
'A hundred pounds and ten,
That I will gang to Broomfield Hills,
A maiden return again.'

The lady stands in her bower door,
And thus she made her mane:
'Oh, shall I gang to Broomfield Hills,
Or shall I stay at hame?

'If I do gang to Broomfield Hills
A maid I'll not return;
But if I stay from Broomfield Hills,
I'll be a maid mis-sworn.'

Then out it speaks an auld witch wife,
Sat in the bower aboon:
'O ye shall gang to Broomfield Hills,
Ye shall not stay at hame.

'But when ye gang to Broomfield Hills,
Walk nine times round and round;
Down below a bonny burn bank,
Ye'll find your love sleeping sound.

'Ye'll pu the bloom frae off the broom,
Strew't at his head and feet,
And aye the thicker that ye do strew,
The sounder he will sleep.

'The broach that is on your napkin,
Put it on his breast bane,
To let him know, when he does wake,
That's true love's come and gane.

'The rings that are on your fingers,
Lay them down on a stane,
To let him know, when he does wake,
That's true love's come and gane.

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

The Brus Book 20

King Robert in Northumberland]

Sone eftre that the erle Thomas
Fra Wardaill thus reparyt was
The king assemblyt all his mycht
And left nane that wes worth to fycht,
5 A gret ost than assemblit he
And delt his ost in partis thre.
A part to Norame went but let
And a stark assege has set
And held thaim in rycht at thar dyk,
10 The tother part till Anwyk
Is went and thar a sege set thai,
And quhill that thir assegis lay
At thir castellis I spak off ar,
Apert eschewys oft maid thar war
15 And mony fayr chevalry
Eschevyt war full douchtely.
The king at thai castellis liand
Left his folk, as I bar on hand
And with the thrid ost held hys way
20 Fra park to park hym for to play
Huntand as all hys awn war,
And till thaim that war with him thar
The landis off Northummyrland
That neyst to Scotland war liand
25 In fe and heritage gave he,
And thai payit for the selys fe.

[The peace with England]

On this wys raid he destroyand
Quhill that the king of Ingland
Throu consaill of the Mortymar
30 And his moder that that tym war
Ledaris of him that than young wes
To King Robert to tret off pes
Send messyngeris, and sua sped thai
That thai assentyt on this way
35 Than a perpetuale pes to tak,
And thai a mariage suld mak
Off the King Robertis sone Davy
That than bot fyve yer had scarsly
And off Dame Jhone als off the Tour
40 That syne wes of full gret valour,
Systre scho wes to the ying king
That had Ingland in governyng,
That than of eild had sevyn yer.
And monymentis and lettrys ser
45 That thai of Ingland that tyme had

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share

The Aeneid of Virgil: Book 11

SCARCE had the rosy Morning rais’d her head
Above the waves, and left her wat’ry bed;
The pious chief, whom double cares attend
For his unburied soldiers and his friend,
Yet first to Heav’n perform’d a victor’s vows: 5
He bar’d an ancient oak of all her boughs;
Then on a rising ground the trunk he plac’d,
Which with the spoils of his dead foe he grac’d.
The coat of arms by proud Mezentius worn,
Now on a naked snag in triumph borne, 10
Was hung on high, and glitter’d from afar,
A trophy sacred to the God of War.
Above his arms, fix’d on the leafless wood,
Appear’d his plumy crest, besmear’d with blood:
His brazen buckler on the left was seen; 15
Truncheons of shiver’d lances hung between;
And on the right was placed his corslet, bor’d;
And to the neck was tied his unavailing sword.
A crowd of chiefs inclose the godlike man,
Who thus, conspicuous in the midst, began: 20
“Our toils, my friends, are crown’d with sure success;
The greater part perform’d, achieve the less.
Now follow cheerful to the trembling town;
Press but an entrance, and presume it won.
Fear is no more, for fierce Mezentius lies, 25
As the first fruits of war, a sacrifice.
Turnus shall fall extended on the plain,
And, in this omen, is already slain.
Prepar’d in arms, pursue your happy chance;
That none unwarn’d may plead his ignorance, 30
And I, at Heav’n’s appointed hour, may find
Your warlike ensigns waving in the wind.
Meantime the rites and fun’ral pomps prepare,
Due to your dead companions of the war:
The last respect the living can bestow, 35
To shield their shadows from contempt below.
That conquer’d earth be theirs, for which they fought,
And which for us with their own blood they bought;
But first the corpse of our unhappy friend
To the sad city of Evander send, 40
Who, not inglorious, in his age’s bloom,
Was hurried hence by too severe a doom.”
Thus, weeping while he spoke, he took his way,
Where, new in death, lamented Pallas lay.
Acoetes watch’d the corpse; whose youth deserv’d 45
The fathers trust; and now the son he serv’d
With equal faith, but less auspicious care.
Th’ attendants of the slain his sorrow share.
A troop of Trojans mix’d with these appear,
And mourning matrons with dishevel’d hair. 50

[...] Read more

poem by Report problemRelated quotes
Added by Poetry Lover
Comment! | Vote! | Copy!

Share
 

Search


Recent searches | Top searches