There's Nae Luck about the House
Rise, lass, and mak a clean fire side,
Put on the muckle pot,
Gie little Kate her button gown,
And Jock his Sunday coat;
And mak their shoon as black as slaes,
Their hose as white as snaw,
It's a' to please my ain gudeman,
For he's been lang awa.
For there's nae luck about the house,
There's nae luck at a',
There's little pleasure in the house
When our gudeman's awa.